Programming ဘာသာရပ်မှာ Data Science နည်းပညာအား လေ့လာရာတွင် လိုအပ်သော အခြေခံဘာသာရပ်ဖြစ်သည်။ ဤသင်ခန်းစာများတွင် Programming ဘာသာရပ်အား အထွေထွေသဘောမျိုး (General Purpose) တင်ပြခြင်းမဟုတ်ကြောင်းနှင့် Data Science နည်းပညာအား လေ့လာရာလိုအပ်သည့် အကြောင်းအရာများကိုသာ အခြေခံ၍ တင်ပြမည်ဖြစ်သည်။

သင်ခန်းစာ အနှစ်ချုပ် ကောက်နှုတ်ချက်

Computer Programming ဆိုသည်မှာ ကွန်ပျူတာအား ကိစ္စများပြီးမြောက်အောင် ပရိုဂရမ်ဟုခေါ်သော ခိုင်းစေမှုများ ထည့်သွင်းကာ စေခိုင်းခြင်းဖြစ်သည်။ ထိုသို့စေခိုင်းမှုအချက်အလက်များ ရေးသွင်းသူအား Computer Programmer ဟုခေါ်ပြီး စေခိုင်းချက်များအား ဆောင်ရွက်နိုင်သော အရာအား Computer Program ဟုခေါ်သည်။

Computer Program ရေးသားရခြင်းမှာ ကွန်ပျူတာသည် စက်ဖြစ်သောကြောင့် လူ့ထက်ပိုမိုတိကျ အမှားနည်းကာ တွက်ချက်မှုများအား လျင်မြန်စွာဆောင်ရွက်နိုင်သောကြောင့် ဖြစ်သည်။ Computer Program တခုတွင် ဆောင်ရွက်မှုပြုလုပ်ရန် လိုအပ်သော Input များထည့်သွင်းရလေ့ရှိပြီး ထိုအချက်အလက်ပေါ်မူတည် တွက်ချက်ကာ Computer မှ Output ဟုခေါ်သော အဖြေအား ထုတ်ပေးသည်။

Programming Languages ဆိုသည်မှာ ပရိုဂရမ်ရေးသားရသော ကွန်ပျူတာနားလည်သည့် ဘာသာစကားဖြစ်သည်။ ယေဘုယျအားဖြင့် Compiled Language နှင့် Interpreted Language ဟူ၍ ၂မျိုးရှိသည်။

Programmer များသည် Computer Program တခု မရေးသာမည် ရေးသားရမည့် အစီအစဉ်၊ ပြသနာအားဖြေရှင်းပုံအား အကြမ်းသဘောဖြင့် Pseudo Code များရေးသားပြီးမှ အမှန်တကယ် ပရိုဂရမ်အား ရေးသားလေ့ရှိသည်။